一齐去滚严选任食瓯炉

发布时间:2020-06-14 编辑: 查看次数:719

一齐去滚严选任食瓯炉

香港人一年四季都会打瓯炉,贪佢未齐人可以食住等,又可以食一阵停一阵同朋友吹吓水。秋冬更加係打瓯炉嘅旺季,天口咁凉有得任食固然好,但抵食先至真正吸引,就等我哋为大家将以下三间任食瓯炉分出高下!

一齐去滚严选任食瓯炉

一锅两味 富临酒家
打咗咁多年瓯炉,大家开始追求各种变化,早十年八年流行食猪骨煲,而近两三年就流行食鸡煲,先食晒煲入面啲鸡,然后先加汤打瓯炉。鸡煲瓯炉只鸡通常係另外计钱嘅,亦有部份按人头俾唔同份量嘅鸡。而家富临酒家嘅任食瓯炉亦有鸡煲俾你拣,仲可以转胡椒猪肚或者醉鸡煲,一律唔使另外加钱,都叫做追得上潮流。富临分咗两个时段,由17:30至21:00入座, 每位$128唔使加一,冇错,$128已经找到数!如果21:00后入座再平$10,以旺角区嚟讲呢个价钱真係冇得输!

几平都好,嘢食最紧要。笔者唔食辣,所以个鸡煲叫咗小辣。大部份鸡煲小辣都冇大辣咁香,而富临呢个小辣得嚟啲鸡都算几入味,甚至比唔少标榜鸡煲为主嘅火锅店更好食,呢吓真係估佢唔到。不过,食完个鸡要求加汤,佢竟然係加净滚水,扣唔少分。

收得呢个价,啲火锅料都唔会令人好大期望,不过胜在唔会得返十款八款焗你食,选择都算多,始终都会搵到一啲OK嘅食材,例如个鹅肠最令笔者喜出望外,味道浓郁,只係唔够爽口,都值得翻嗌。而其他笔者试食过嘅配料都未至于衰到唔入得口 ,呢个价钱嚟讲接受到。有部份啤酒提供任饮值得一讚,唔只得汽水,係今次测试唯一一间,如果朋友当中好多都锺意饮啤酒嘅,呢间即刻吸引好多。

呢间嘢坚係抵食到爆晒灯!而且食物品质又唔算差,另外要讚一讚试食当日员工整体态度都好好,个个有讲有笑,任食火锅店好少有。富临旺角店闲日唔会点爆满,有时如果肚饿到爆唔等得要即刻食,值得上去睇睇!

一齐去滚严选任食瓯炉
◆ 肥牛算不过不失一齐去滚严选任食瓯炉
◆ 火锅料炒埋一碟咁上,虽然唔好睇,但质素唔算差一齐去滚严选任食瓯炉
◆ 指定啤酒都係任饮一齐去滚严选任食瓯炉
◆ 啲酱料……好彩质素都唔错

一齐去滚严选任食瓯炉

性价比爆灯 大锅口海鲜火锅店
大锅口暂时只有三间分店,老实讲,笔者之前只係听过一众瓯炉精朋友极力推荐,而家终于亲身品嚐一次。呢间瓯炉店果然非常旺场,闲日七点上到去旺角店,门口已经逼爆,只好问吓门口阿姐可唔可以book擡啦,点知佢竟然唔志在做你生意咁回应要book三、四个星期之后,真係串到爆!不过人总係犯贱嘅,就好似明知去到澳牛叫慢少少都会俾侍应闹,大家都仲係死都要去食一样。笔者一行人第二日就特登去排咗粒几钟,直至宵夜时段先入到去。晚市正价$168,宵夜$148,但因为已经由好饿等到唔太饿,平咗廿鸡都唔特别兴奋鸟。

汤底除咗沙爹、皮蛋莞茜、蕃茄呢啲例牌嘢,仲有胡椒猪肚、冬荫公、鲨鱼骨、 鱼头汤拣。四川麻辣要加钱几新奇,锺意食劲辣嘅朋友要谂谂,而更特别係竟然有清汤牛腩锅,一于拣佢!个汤牛腩唔算好多,但好腍同几浓味,汤本身仲几香萝蔔味,可惜偏淡,整体计算係中上啦!

火锅料呢间嘢真係唔讲得笑。款式多,而且差不多可以话样样觏料,如果唔係自己亲身试过,真係唔可以相信呢个价钱可以畀到咁有质素嘅嘢食你。当中嘅「是日海鲜」唔可以唔叫,日日都有贵贵哋嘅海鲜选择,笔者试食当日就係花甲,大只又鲜味。香港人打瓯炉最爱嘅肥牛个款亦係三间之中最靓,但係冇乜牛味。佢哋亦有提供另外俾你加钱更靓嘅牛,但笔者觉得其实任食嘅料已经好够,反正你叫乜返嚟都会有一定水準。任饮嘅汽水由可口可乐公司提供,而唔係百事,最啱可乐精,酒精类就要另外俾钱喇。

计食物质素,大锅口喺同价中之绝对超晒班,难怪好多人特登等两三个钟都要帮衬。不过笔者个人唔buy要等咁耐位,呢点就要扣返啲分,当然呢啲完全係个人偏好,如果有死士肯消耗呢啲时间,其实都真係好唔错。

一齐去滚严选任食瓯炉
◆ 手切肥牛都係任食,但冇乜肉味一齐去滚严选任食瓯炉
◆ 其他料又多款又靓,而且最紧要嚟得够快一齐去滚严选任食瓯炉
◆ 可口可乐任饮,仲有忌廉奶一齐去滚严选任食瓯炉
◆ 叫个即食麵都会畀包出前一丁你,问你死未!?

一齐去滚严选任食瓯炉

自由升级 德兴火锅海鲜酒家
德兴价钱除返开贵另外两间好多,而且只送一杯酸梅汤,冇得任饮。一坐低佢就拎咗盘刺身过嚟,有三文鱼、 墨鱼、北寄贝、带子、熟虾,每人每样一件, 质素属不过不失。至于汤底,只有小部分要另外加钱,免费嘅选择都好多,当中比较特别嘅包括胡椒海鲜、螺头汤同雪梨苹果汤。今次一半炉友好辣一半唔好,所以拣咗个清汤配麻辣鸳鸯锅。听辣友讲个麻辣好爽,其中一位中途更加要转食清汤,似乎真係几坚,锺意食辣嘅朋友可以谂谂。

德兴有得免费任食嘅火锅料明显比前面两间少,好多成本较高嘅食材都要另外畀钱,但胜在选择算几多。除咗贵价和牛,仲有海螺、桂花蚌、珊瑚蚌、龙虾甚至海斑。任食食材质素中规中矩,唔算得上差但又冇乜惊喜。饮品方面唔係任饮,最平有$18三罐可乐,都唔算好过份。另外,酱料都唔係任点,想要豉油以外嘅酱料要每位再收$9(加埋一即係$10),虽然款式坚多,但感觉都係俾人硬屈。

德兴身为任食瓯炉店,好多方面都未必比得上另外两间•笔者两个月前食过嘅观塘店同样咁上下质素。德兴比较着重自选收费食材同服务•似乎係想做得比对手高级少少,但效果点样真係见仁见智。

一齐去滚严选任食瓯炉
◆ 肥牛同羊肉都捲住上,睇落高级啲一齐去滚严选任食瓯炉
◆ 一坐低就上刺身,呃得吓人一齐去滚严选任食瓯炉
◆ 火锅料外表见得人,只係款比较少一齐去滚严选任食瓯炉
◆ 酱料选择够多,只係咁又要屈人$10

总结:
市面任食火锅林林总总,今次同大家试食嘅三间可以话係各走极端:富临平得嚟质素可接受,大锅口质素高而价钱低;德兴适合招呼朋友见得吓人。笔者自己最锺意富临,唔单只因为价钱,亦因为佢唔会太多人,唔使等餐死(闲日计),服务态度又OK。有时成班friend围埋食嘢都係想开开心心,以上几点绝对符合令大家心情愉快嘅基本要求。

宝马娱乐登录网址_送38彩金平台可提现|提供生活消费|提供的生活指南|网站地图 申博官网备用网址_大奔线上娱乐 申博官网备用网址_fun体育平台